24. mars, 2026

Kaleidoscope LTTA ráðstefnan, sem haldin var af kýpverska samstarfsaðilanum okkar, Visual Voices, fékk mjög jákvæðar viðtökur frá þátttakendum. Hún styrkti greinilega þróun ABEE þjálfunardagskrárinnar okkar með því að prófa nýtt efni þjálfunarinnar „í verki“ með ungmenna starfsfólki með mikla reynslu. Endurgjöfin bendir til þess að dagskráin sé viðeigandi, framkvæmanleg og veiti innblástur, en bjóði einnig upp á raunhæfar tillögur fyrir fínpússun vinnutóla áður en hún er sett í almenna notkun.

Þriggja daga tilraunakennsla ABEE þjálfunardagskrár

Dagana 3. til 5. mars 2026 komu samstarfsaðilar Kaleidoscope verkefnisins saman í Nikósíu á Kýpur í þriggja daga náms-, kennslu- og þjálfunar ráðstefnu (Learning, Teaching, Training Activity: LTTA) sem tileinkuð var þjálfunardagskrá okkar í listtengdri þátttöku í þjóðfræði (Art-Based Engagement Ethnography: ABEE) fyrir ungmenna starfsmenn. Þessa daga prófuðu þátttakendur allar sex einingar þjálfunarinnar, allt frá mjög stuttum fræðilegum inntökum til verklegra æfinga og sameiginlegra hugleiðinga, með það að markmiði að kanna hversu skýrt, raunhæft og flytjanlegt efnið er í raunverulegu ungmennastarfi.

LTTA virkaði þannig sem lifandi tilraunastofa: sumar æfingar voru upplifaðar „sem þátttakendur“ og sumar „sem leiðbeinendur“, sem gerði samstarfshópnum kleift að tengja fræðilegu handbókina við verklegar tímaáætlanir og menningarlegar rannsóknir sem síðar verða notaðar með ungu fólki um alla Evrópu.

Sterk þátttaka, mikilvægi og samfélagsvitund

Almennt mátu þátttakendur þjálfunarumhverfið þannig að mjög vel væri tekið á móti öllum og vel var látið af jafnvæginu milli sjálfsskoðunaræfinga og félagslegra, orkugefandi athafna. Mörg lögðu áherslu á að umfjöllunarefnin sem var farið yfir, allt frá áfallatengdum æfingum yfir í að finna lausnir á átökum, fjalla um aðgengi og stafrænar frásagnir, væru beintengd daglegu starfi þeirra með ungmennum, þar á meðal þeirra sem höfðu reynslu af fólksflutningum og mismunun.

Þátttakendur lögðu einnig áherslu á að þeir væru að fara frá Nikósíu með nýjar hugmyndir, verkfæri og sjónarhorn. Nokkrir svarenda sögðust hafa styrkt færni sína og sjálfstraust í að nota listtengdar og skapandi aðferðir gegnum LTTA æfingar og að þau ætluðu að innleiða að minnsta kosti eina af æfingunum í sínu starfi. Tækifærið til að hittast, stýra saman og hugleiða saman var oft lýst sem einum skemmtilegasta þætti dagskrárinnar, sem hjálpaði til við að byggja upp sterka samfélagskennd og samvinnu innan hópsins.

Nikósía sem samkomustaður

Að halda LTTA ráðstefnuna í Nikósíu gaf upplifuninni mikilvæga merkingu. Sem borg með flókna sögu sundrunar, fólksflutninga og menningarlegrar fjölbreytni, skapaði Nikósía öflugt umhverfi fyrir þjálfun sem einbeitti sér að aðlögun, samræðum og áfallanæmum starfsháttum. Á milli funda buðu sameiginlegar máltíðir og óformlegar gönguferðir upp á frekari tækifæri fyrir samstarfsaðila til að tengjast, skiptast á reynslu og fylgjast með því hvernig þemu Kaleidoscope verkefnisins endurspegla samhengi þar sem landamæri og ferð yfir þau eru hluti af daglegu lífi.

Þessi augnablik, sem fóru fram fyrir utan formlega dagskrá, hjálpuðu til við að dýpka tengslin innan samstarfsins og byggja upp sameiginlegt tungumál í kringum skapandi, siðferðilegt og aðgengilegt ungmennastarf. LTTA styrkti þannig ekki aðeins efni þjálfunardagskrárinnar heldur einnig samfélag iðkenda sem munu halda áfram nálgun ABEE í eigin löndum.

Horft til framtíðar: Frá Nikósíu til staðbundins ungmennastarfs

LTTA á Kýpur hefur veitt Kaleidoscope-samstarfinu bæði sjálfstraust og skýrleika nú þegar ABEE-þjálfunardagskráin nálgast lokaútgáfu. Samstarfsaðilar fóru frá þjálfuninni innblásnir af sköpunargáfu, ástríðu og sérþekkingu innan hópsins og ákveðnir í að nota ABEE-nálgunina til að efla aðgengi, menningarlega næmni og samræður í starfi sínu með ungmennum. Á sama tíma mun endurgjöfin sem fékkst á meðan LTTA stóð hafa áhrif á úrbætur á handbókinni og námskeiðsáætlunum, sem tryggir að þjálfunin haldist raunhæf, menningarlega næm og styðji virkilega við ungmennastarfsmenn á vettvangi.

Með því að prófa dagskrána saman hefur samstarfið stigið mikilvægt skref í átt að lokamarkmiði sínu: að veita ungmennastarfsfólki um alla Evrópu skapandi, listtengdu verkfæri sem skapar rými fyrir sögur, tilfinningar og sjónarmið ungs fólks - sérstaklega þar sem fólksflutningar, átök og útilokun hafa mótað líf þeirra..